በሺዎች የሚቆጠሩ ኢትዮጵያውያን በዋጡት የቦንድ ግዢ እየተገነባ ያለው የታላቁ የኢትዮጵያ ህዳሴ ግድብ ቀሪ ስራዎችን ለማከናወን ተጨማሪ ሰማኒያ ቢሊዮን ብር እንደሚያስፈልገው ተገለጸ። ይህ መጠን የግድቡ ግንባታ በተጀመረበት ወቅት ለመጀመሪያ ግምት ከተያዘው በጀት ጋር እኩል መሆኑ ግራ መጋባትን ፈጥሯል።
የታላቁ ህዳሴ ግድብ ማስተባበሪያ ፅህፈት ቤት እንዳስታወቀው፣ የግድቡ ግንባታ አሁን ከዘጠና ሰባት ነጥብ ስድስት በመቶ በላይ ደርሷል። ነገር ግን ቀሪውን ሁለት ነጥብ አራት በመቶ ስራ ለማጠናቀቅ የሚያስፈልገው ወጪ በርካታ መሆኑ ከፍተኛ ትኩረትን ስቧል።
እስካሁን ድረስ ከህዝብ የተሰበሰበው ገንዘብ ሃያ ነጥብ ሁለት ቢሊዮን ብር ሲሆን፣ ከዚህ ውስጥ የዳያስፖራው ድርሻ አንድ ነጥብ አምስት ቢሊዮን ብር ብቻ መሆኑ ተገልጿል። ይህንን ተሳትፎ ለማሳደግ በተለያዩ የክፍያ መተግበሪያዎች አማካኝነት መዋጮ መክፈል እንደሚቻል የፕሮጀክቱ ሥራ አስፈጻሚ ዳይሬክተር ደክተር አረጋዊ በርሄ አስታውቀዋል።
